बाल्मिकी विकास संघाचे दोन दिवसीय राष्ट्रीय अधिवेशन 22 आणि 23 डिसेंबर रोजी ठाण्यात

ठाणे, दि. 19 - बाल्मिकी विकास संघाचे दोन दिवसीय राष्ट्रीय अधिवेशन 22 आणि 23 डिसेंबर रोजी ठाण्यात ठाणे महापालिका इमारत मैदान, शितलादेवी माता मंदिर जवळ , खारटन रोड येथे संपन्न होणार आहे. या राष्ट्रीय अधिवेशनासाठी देशातील प्रत्येक राज्यांतून विचारवंत, क्रियाशील कार्यकर्तेसहभागी होणार असून बाल्मिकी समाजाच्या दृष्टीने महत्वपूर्ण ठराव या अधिवेशनात मांडण्यात येणार आहेत.  

22 डिसेंबर रोजी सायंकाळी 4 वाजता समाजरत्न नानजीभाई ठक्कर आणि बाल्मिकी समाजाचे ज्येष्ठ नेते झब्बन हडाला यांच्या प्रमुख उपस्थितीतअधिवेशनाचे उद्घाटन होणार आहे.  या अधिवेशनात बाल्मिकी समाजाच्या विविध प्रश्नांवर सखोल चर्चा करण्यात येणार आहे. यात प्रामुख्यानेमहाराष्ट्रात जन्मलेल्या बाल्मिकी समाजातील बांधवांना महाराष्ट्रातील सर्व सोईसुविधा मिळाव्यात यासाठी जात प्रमाणपत्र मिळणेसाठी राज्यशासनाच्या पातळीवर पाठपुरावा करणे. संपूर्ण भारतात बाल्मिकी समाजाला एस.सी., एस.टी. मध्ये 50 टक्के आरक्षण दिले जावे, महाराष्ट्रातील शहरीभागात बाल्मिकी समाजातील सामाजिक संस्थांना बाल्मिकी भवन उभारण्यासाठी भूखंड द्यावा, बाल्मिकी, रुखी, मेहतर समाजातील बांधवांना म्हाडाआणि सिडकोच्या गृहनिर्माण प्रकल्पांत 20 टक्के घरे दिली जावीत, प्रस्तावित मेट्रो 3 च्या विधान भवन स्टेशनला महर्षि बाल्मिकी चौक विधानभवनअसे नामकरण करण्यात यावे, अशा विविध मागण्यांबाबत अधिवेशनात चर्चा करुन ते ठराव मंजूर करण्यात येणार आहेत. मंजूर झालेल्या ठरावांचा केंद्रशासन आणि राज्य शासन पातळीवर पाठपुरावा केला जाणार आहे. 

अधिवेशनाच्या दरम्यान ठाण्याच्या महापौर सौ. मिनाक्षी शिंदे उपस्थित राहणार असून समारोपाला ठाणे जिल्हा पालकमंत्री एकनाथ शिंदे, आमदारप्रताप सरनाईक, आमदार निरंजन डावखरे, ठाणे मनपा विरोधी पक्षनेते मिलिंद पाटील, ज्येष्ठ नगरसेवक हणमंत जगदाळे, स्थानिक नगरसेविका सौ. नम्रता कोळी, नगरसेविका पलल्वी कदम, नगरसेवक सुधिर कोकाटे, नगरसेवक सुनिल हंडोरे, माजी नगरसेवक मुन्ना बिष्ट, भैय्यासाहेब इंदिसे आदीमान्यवर उपस्थित राहणार आहेत.